平均每篇寫10件產品, 即係四年來用完了超過至少二百件產品~XD
真的有點瘋掉了, 另一程度看, 女人錢都頗易賺吧~~
淨肌潔面啫喱之前收到的試用, 夏天用真係幾舒服,
加埋洗面機用會好D, 就咁用真係無咩料到!!
用得好快, 價錢上有點少貴, 應該不會回購~
nature republic 紅參潔面
去首爾時入手, 當時做半價, 見平平地就買黎試下!!
大大支都只係$60左右, 味道好舒服, 用後都幾清爽, 皮膚唔乾緊!!
有機會去首爾見到特價再入手~~
RMK 去角質磨砂GEL
雷到無朋友, 無磨砂效果, 潔面又做得唔好!!
好彩只係旅行裝~~
COMPLETE 洗CON水這款價錢雖然貴少少, 但真係比較好用, 乾淨又清爽~
會買大支 KEEP住用佢~不過近期已經少用CON了~
Nature RepublicAQUA 水份面霜
當時正打半價優惠，有三隻顏色(綠，藍，粉)所以買了中性皮膚用的，價錢大約$70左右。
前陣子天氣熱起來，晚上要開冷氣睡覺，就開這樽來用!
保濕效果一般，搽上面後似有一層膜包住皮膚，應該都含有矽成份吧，
很多水貨店都有賣這瓶保濕霜，注意盡量只在白天用吧！
Mizon NONSTOP WATERFUL AQUA CREAM
佢質地係當透明淡藍色的GEL, 主要係補濕用的,
呢個牌子係韓國好普通, 價錢好平, 但有化妝品同護膚品等等~
因為平而入手, 但又唔覺特別好用, 所以用完就算了!!!
bifesta 落妝紙巾
其實真係貪佢方便, 有時唔多化全妝就會用黎抹下面~~
唔係特別好用, 只係貪方便, 有時夜返屋企都會用下!!!
Reskin EGF 平衡舒緩精華液 EGF Bomber SerumSASA提供的試用品, 鐘意佢的即時補水的感覺, 好有一層水份膜咁包住,
質地好清爽唔油, 無出過油脂粒或暗瘡, 夜晚想加強效果可以搽多少少!!
但用晒成支都無美白及抗暗瘡效果~~
KP makeup base
開倉時購入, 質地係乳白色, 少少GEL狀, 控油力唔錯,
但唔覺特別突出, 平平地試過就算, 又可能只係我對BASE的要求唔太大吧~
Alissi Bronte 黃金營養液
自購產品, 因為BLOGGER們的評價實在太好了, 未買過並貴的TONER去用~幾百蚊一支~
都係趁有7折才願意入手~保濕力好好, 皮膚用後真係有明顯改善!!
但用耐左又好似普通左咁, 所以要間住筿用, 大大支, 用足你半年都得, 果時入手兩大支, 仲有一支未開啊!!!
S-CLINIC 抗皺精華
萬寧清貨特價入手的$59, 咁平無埋由唔買支用下, 感覺都唔錯, 補濕力一般般, 夏天用都還可以
但去到乾燥少少就唔太掂, 學生用都唔錯, 不過好似已經消失左~
A'PIUE生態原始純發酵 精華素
購自韓買, 當時正買一送一, 當時對黎個牌子很陌生, 所以BA大推這支就試一下~
質地很水, 但補濕力就好好, 皮膚好快就吸收, 滴管設計好方便!!!
REGENE淨肌系列 淨肌精華液
味道好舒服, 完全是清新的表瓜味, 不過得20ML, 質地又稀, 所以好快速就用盡了~
保濕力還可以, 可以見到毛孔有即時收細,
但好似好似唔太夠持久, 搽幾多都好似唔太吸收咁~
單價如果更平民化更好~
It's skin My LAB Synergy Base
可以自行調配的肌底液, 要另外再配濃縮精華素, 價錢好平又好坃~
但效果普普通通, 只當係普通精華用!!!
本文章所發表的全部內容均屬個人意見及感受，並不代表該品牌之言論及立場。
如希望獲得更多有關產品資訊請自行聯絡該品牌查詢。
沒有留言:
張貼留言